ଭୁବନେଶ୍ୱର: ରାଜଧାନୀର ବିଭିନ୍ନ ସ୍କୁଲ ବୁଲି ସ୍ଥିତି ଅନୁଧ୍ୟାନ କରିଛନ୍ତି ୫-ଟି ସଚିବ ଭି.କେ.ପାଣ୍ଡିଆନ୍ । ଆଜି ସକାଳୁ ସକାଳୁ ସେ ୟୁନିଟ୍-୧, ୟୁନିଟ୍-୬, କ୍ୟାପିଟାଲ୍ ହାଇସ୍କୁଲ, ୟୁନିଟ୍-୯ ବାଳିକା ହାଇସ୍କୁଲ ଏବଂ ଆଇଆରସି ଭିଲେଜ୍ ହାଇସ୍କୁଲ ଯାଇ ଶିକ୍ଷା ଓ ଆନୁସଙ୍ଗିକ ବ୍ୟବସ୍ଥା ଅନୁଧ୍ୟାନ କରିଥିଲେ । ପାଣ୍ଡିଆନ୍ ଙ୍କ ସାଙ୍ଗରେ ଥିଲେ ବିଏମସି କମିଶନର ପ୍ରେମଚନ୍ଦ୍ର ଚୌଧୁରୀ ।
ପରିଦର୍ଶନ କାଳରେ ଶ୍ରୀ ପାଣ୍ଡିଆନ୍ ସ୍କୁଲ ଗୁଡ଼ିକର ବିଜ୍ଞାନ ଲାବରେଟୋରି, ସ୍ମାର୍ଟ କ୍ଲାସରୁମ୍, ଲାଇବ୍ରେରୀ, କ୍ରୀଡ଼ା ସୁବିଧା ଏବଂ ମାଟ୍ରିକ୍ ରେଜଲ୍ଟ ସମ୍ପର୍କରେ ପରିଚାଳନା କମିଟି ସଦସ୍ୟ ଏବଂ ଶିକ୍ଷକମାନଙ୍କ ସହ ଆଲୋଚନା କରିଥିଲେ । ରେଜଲ୍ଟ ଆହୁରି ଭଲ ହେବା ପାଇଁ କ’ଣ କରାଯାଇପାରିବ ତାହା ପଚାରି ବୁଝିଥିଲେ ।
ମୋ ସ୍କୁଲ ଯୋଜନାରୁ ସଫଳତା ମିଳୁଛି ନା ନାହିଁ ତାହା ମଧ୍ୟ ଜାଣିବାକୁ ଚାହିଁଥିଲେ ପାଣ୍ଡିଆନ୍ । ମୋଟାମୋଟି ଭାବେ ସ୍କୁଲ୍ ପରିବେଶ ଛାତ୍ରଛାତ୍ରୀଙ୍କ ଶିକ୍ଷାଦାନ ପାଇଁ ଅନୁକୂଳ ରଖିବା ଦିଗରେ ଆବଶ୍ୟକ ପଦକ୍ଷେପ ସମ୍ପର୍କରେ ବିସ୍ତୃତ ସମୀକ୍ଷା କରିଥିଲେ ୫-ଟି ସଚିବ ଶ୍ରୀ ପାଣ୍ଡିଆନ୍ ।
